Çfarë duhet të bëjë produkti dixhital?
Një website prezantues shpjegon kompaninë, shërbimet dhe mënyrën e kontaktit. Një platformë mund të mbulojë punën që ndodh përtej prezantimit: role, procese dhe informacion që ndryshon gjatë aktivitetit. Zgjedhja varet nga ajo që duhet të bëjnë përdoruesit, jo nga madhësia e kompanisë.
Kur mjafton një website
Nëse qëllimi është të paraqisni ofertën, të shpjegoni ekspertizën dhe të merrni kërkesa nga klientët, një website i ndërtuar mirë mund të jetë hapi i duhur. Prioritetet janë struktura, përmbajtja, përvoja në telefon dhe një rrugë e thjeshtë kontakti.
Kur ka kuptim zhvillimi i personalizuar
Kur biznesi duhet të menaxhojë procese të veçanta ose të lidhë punën e disa roleve, duhen analizuar nevojat e një platforme. Shembuj janë menaxhimi i aktivitetit spitalor, organizimi i një operatori turistik apo administrimi i ofertave të një salloni makinash. Fillimisht vlerësohet nëse një zgjidhje ekzistuese e mbulon nevojën apo nëse personalizimi sjell vlerë të mjaftueshme.
Mos ndërtoni më shumë se ju duhet
Krahasoni koston fillestare, përshtatjen, mirëmbajtjen dhe mënyrën e daljes nga zgjidhja në të ardhmen. Një projekt mund të nisë me website dhe të zgjerohet gradualisht. Vendimi duhet të mbështetet te nevoja reale dhe burimet që biznesi mund t’i kushtojë përdorimit të sistemit.